Siglir tar il cuntegn

Naziunal/Internaziunal Dario Cologna 15avel

Als 30 kilometers stil liber a Tavau n'ha il grischun Dario Cologna betg pudì persvader. Cologna è vegnì a l'arrivada cun ina distanza dad ina minuta e 45 secundas sin il victur Martin Johnsrud Sundby da la Norvegia. Il Svizzer il pli spert è stà il grischun Toni Livers sin plaz 10.

Il passlunghist Dario Cologna.
Legenda: Il passlunghist Dario Cologna. Keystone

Fin uss n'ha Dario Cologna anc mai pudì gudagnar la medaglia d'aur als 30 kilometers patinar a Tavau. Bain è el stà quatter giadas sin il podest, però mai sissum. Questa giada na ha quai gnanc tanschì per ils top 10.

Meglier è la cursa ida per dus auters passlunghists rumantschs.Toni Livers è daventà 10avel e per Curdin Perl hai bastì per il 13avel plaz.

Gudagnà ha il topfavurit, il norvegiais Martin Johnsrud Sundby avant Maruice Manificat ed Anders Glöersen.