Trais emnas e mez suenter l'accident mortal dal giuven skiunz franzos David Poisson, hai dà a Lake Louis in ulteriur accident en la scena da skis. Il Tudestg da 17 onns Max Burkhart è mort la mesemna, suenter ch'el era cupitgà fermamain il mardi durant in trenament per ina cursa rapida da la seria Nor-Am a Lake Louise.
Il giuven talent, oriund da Garmisch-Patenkirchen, era al start per in college american. El saja cupitgà en ina rait da segirtad ed il di suenter mort da sias blessuras en in ospital a Calgary. Suenter il crash en la rait da segirtad, sajan forzas d'agid svelt stadas sin il plaz e Burkhart saja vegnì sgulà per helicopter en in ospital.
Suenter emprimas retschertgas n'haja betg dà indicaziuns che mesiras da segirezza sajan vegnidas negligidas.
RR novitads 11:00