Siglir tar il cuntegn

Header

cuntegn

Naziunal/Internaziunal Danilo Hondo relaschà da Swiss Cycling

Swiss Cycling ha confermà ad ina conferenza da pressa ch'els hajan relaschà il trenader naziunal, Danilo Hondo per immediat. Raschun è ch'el ha confessà en la televisiun tudestga ch'el haja dopà il 2011 cun sang.

Il Tudestg da 45 onns ha confessà en in'intervista cun l'ARD ch'el haja dopà il 2011 cun sang, pia durant ses temp sco ciclist activ. Quai haja el fatg cun agid dal medi ch'è vegnì arrestà durant il campiunadi mundial da ski nordic a Seefeld.

Il directur da sport da Swiss Cycling Thomas Peter ha declerà ch'i sajan fitg trumpads da l'entira chaussa ed era ch'i sajan stads schoccads.

Gia sentenzià il 2005

Gia il 2005 è Hondo vegnì serrà per dus onns perquai ch'el ha gì en il sang substanzas betg lubidas. En quest cas aveva Hondo dentant adina snegà d'avair piglià sappientivamain doping.

Gì success cun trenar equipa dad U23

Suenter ch'el aveva trenà cun success ils ciclists dad U23 è Hondo s'avanzà suenter ils gieus olimpics a Rio, il 2016 al trenader naziunal. In successur per Hondo sco trenader naziunal n'è anc betg enconuschent.

RR novitads 20:00

Artitgels legids il pli savens