Naziunal/Internaziunal - Daniela Ryf e Stan Wawrinka daventan sportists da l'onn
Stan Wawrinka e Daniela Ryf èn ils victurs da l’elecziun sco sportists svizzers da l’onn. Ulteriurs victurs dals «Sports Awards»: Marcel Koller, Breel Embolo, Marcel Hug ed il quartet da pais lev.
Legenda:
Il giugader da tennis Stan Wawrinka durant ses pled d'engraziament.
Keystone
3 / 3
Legenda:
La triatleta Daniela Ryf dat in bitsch a ses premi.
Keystone
Il giugader da tennis Stan Wawrinka ha gudagnà cleramain avant Roger Federer ed il ciclist grischun Nino Schurter.
Tar las dunnas gudogna la triatleta Daniela Ryf il titel da prestige sco meglra sportista da l'onn. Ryf ha dominà quest'onn la scena dal triatlon; ella ha gudagnà mintga cursa a la quala ella è partida. Segunda vegn la gimnasta Giulia Steingruber, terza la giugadra da tennis Timea Bacsinszky.
Sco newcomer da l'onn è il ballapedist dal FC Basilea Breel Embolo vegnì undrà. Trenader da l'onn è daventà Marcel Koller, l’actual trenader da l’equipa naziunala da ballape da l’Austria.
