Siglir tar il cuntegn

Header

cuntegn

Naziunal/Internaziunal Cursas internaziunalas da biatlon a Lantsch

Dals 8 fin ils 10 da december 2017 han lieu per l'emprima giada cursas internaziunalas da biatlon sin il stgalim d'elita en l'arena da biatlon a Lantsch. Tut en tut van 325 biatletas e biatlets ord passa 40 naziuns a la partenza a las cursas da la Cuppa IBU.

La cuppa IBU è suenter la cuppa mundiala la segund'auta seria da biatlon, cumparegliabla cun la cuppa d'Europa en il sport da skis. A Lantsch vegn organisà per l'emprima giada insumma cursas da quella seria en Svizra. Uschia è quai in proxim pass per ina giada pudair organisar cursas da la cuppa mundiala.

Las grondas naziuns èn preschentas

Sco grondas naziuns da biatlon vegnan oravant tut la Germania, la Norvegia e la Russia a trametter in'entira roschada atletas ed atlets a Lantsch. Per la Svizra partan 14 atletas ed atlets, tranter auter er ils dus Rumantschs Aita Gasparin ed Eligius Tambornino.

Silvio Baselgia, Ivan Joller, Aita Gasparin
Legenda: da san. Silvio Baselgia (president comité d'organisaziun), Ivan Joller (trenader Swiss Ski) ed Aita Gasparin (biatleta). Keystone

Il venderdi cumenzan questas concurrenzas da la Cuppa IBU cun cursas da staffetta. La sonda datti duas cursas da sprint e la dumengia va tut a fin cun cursas da persecuziun.

RR actualitad 08:00

Artitgels legids il pli savens