Siglir tar il cuntegn
Inhalt

Naziunal/Internaziunal Curlistas svizras mantegnan lur pitschnas schanzas

Las dunnas svizras dal curling mantegnan lur pitschnas schanzas da cuntanscher il quartfinal tar il campiunadi mundial en il Canada. Las curlistas dal CC Flem han la gievgia gudagnà la partida cunter la Corea dal Sid cun in 8:6.

Binia Feltscher.
Legenda: Las schanzas per ils quartfinals èn pitschnas – ma existentas. Keystone

Las dunnas svizras dal curling restan incalculablas: La gievgia han els pers lur emprima partida cunter la Tschechia cun in 4:6. Suenter han ellas però dominà il gieu cunter la Corea dal Sid cun in 8:6.

Uschia mantegnan las curlistas dal CC Flem cun il skip Binia Feltscher lur pitschna schanza da cuntanscher ils quartfinals.

2 victorias ed ina buna constellaziun èn necessarias

La premissa è però che las dunnas svizras gudognan il venderdi las duas davosas partidas da la Round Robin. Vitiers ston ellas sperar sin ina buna constellaziun quai che pertutga las partidas da las ulteriuras squadras.

Tut tenor constellaziun pudessan las terradas tar il cumbat direct muntar la fin per las curlistas dal CC Flem. Pers han ellas cunter la Tschechia ed ils Stadis Unids.

RR novitads 06:00