Siglir tar il cuntegn
Inhalt

Naziunal/Internaziunal Curling: 6avla victoria per ils umens svizzers

Al campiunadi mundial da curling en il Canada cuntanschan ils umens svizzers in'ulteriura victoria. Ils Svizzers cun il skip Peter De Cruz battan la squadra ollandaisa cun 9:6. Quai grazia a trais craps plazzads bain en il 10avel end.

Skip Peter de Cruz.
Legenda: Skip Peter de Cruz è ensemen cun ses team sin via da success. Reuters

Cun la bilantscha intermediara da 6 victorias ed ina terrada han ils Svizzers fitg bunas schanzas da cuntanscher lur duas finamiras primaras. Quai fiss da vegnir en ils playoffs da las quatter meglras squadras e da sa qualifitgar per ils gieus olimpics da l'auter onn.

En las ulteriuras partidas da la prerunda vegn la Svizra a giugar cunter l'Italia, cunfavurit Svezia, Giapun e la China.

Tscherta valur istorica

Questas sis victorias dal team da Genevra ha gia ina tscherta valur istorica. Dapi l'emprima participaziun ad in campiunadi mundial dals umens svizzers l'onn 1964 han pir trais teams cuntanschì pli lungas serias ch'il team da Genevra. Il record tegnan il team da Dübendorf cun skip Peter Attinger. Lura ils St. Galler Bär cun skip Ralph Stöckli ed anc Basel Region e quai era cun skip Ralph Stöckli.

RR novitads 07:00