Siglir tar il cuntegn

Header

Navigaziun

giugaders da hockey cun tenue mellen (Tavau) sa legran
Legenda: Il HCD para dad esser pront per la nova stagiun. Keystone
cuntegn

Cuppa svizra HCD gudogna cun 12:0

En la segunda transcha da las partidas dals 16avels finals da la cuppa da hockey svizra batta il HCD ordaifer Frauenfeld gist cun 12:0. Cun il medem resultat ha era Servette gudagnà cunter Saastal. Omadus clubs da la National League paran dad esser pront per la nova stagiun.

Arosa senza gol

Per l'EHC Arosa da la MySports-League era l'adversari betg mo sin il palpiri pli ferm. Il HC Lugano ha battì l'equipa grischuna gist cun 0:7. Gia en la terza minuta ha Lugano avert il score e lu cun regularitad sajettà ils ulteriurs gols. Arosa ha durant l'entir gieu strusch gì schanzas. Las ultimas duas minutas ha els anc dà cun in um pli pauc suenter in chasti.

Berna cun fadia

Gia il mardi saira ha il campiun svizzer dà ses 16avel final. Durant dus terzs ha EVZ Academy pudì ferdar vid ina surpraisa. Pir en la 41avla minuta ha Pestoni sajettà il 1:0 per l'SC Berna. En la 48avla minuta ha Academy pudì egualisar ed en la 54avla minuta ha Moser lura sajettà il gol decisiv. Berna è en l'otgavel final.

Qua la survista dals resultats:

Cuppa da hockey svizra

1/16 final
EHC Kloten - SC Rapperswil-Jona Laker0:3
EVZ Academy - SC Berna1:2

EHC Visp - La Chaux-de-Fonds6:3
GCK Lions - SCL Tigers0:4
HCV Martigny - Friburg Gottéron1:9
EHC Winterthur - ZSC Lions0:0
HC Thurgau - EV Zug0:6
EHC Wiki-Münsingen - HC Ajoie2:7
HC Lucerna - SC Langenthal1:13
EHC Burgdorf - EHC Olten1:9
EHC Dübendorf - HC Ambri-Piotta2:3 (suenter prolungaziun)
EHC Frauenfeld - HC Tavau0:12
Hockey Huttwil - EHC Bienna1:4
ECH Arosa - HC Lugano0:7
HC Sierre - HC Losanna0:1
Saastal - Genevra Servette0:12

RR novitads 23:00