Cuppa Spengler: Lugano emprim mezfinalist

Il HC Lugano cuntanscha il mezfinal da la Cuppa Spengler. L'equipa tessinaisa ha er gudagnà il segund gieu da gruppa cunter Mountfield cun 4:3. Fin la 31avla minuta ha Lugano manà cleramain cun 4:1. Gregory Hofmann ha sajettà dus gols per Lugano.

Gregory Hofmann ha tutta raschun da far ina fatscha rienda.

Legenda da maletgs: Victoria per Lugano Gregory Hofmann ha tutta raschun da far ina fatscha rienda. Keystone

Lugano ha dumagnà il sigl en ils mezfinals da la Cuppa Spengler a Tavau. Ils Tessinais gudognan cunter Hradec Kralove da la Tschechia cun 4:3 e termineschan la gruppa Torriani sco victurs.

Gol dispitaivel da Mountfield

Il fundament per la victoria ha la squadra da Doug Shedden mess cun trais gols tranter minuta 19 e 30. Cun quest resultat era Lugano durant la mesadad da la partida en avantatg cun 4:1. Cun dus gols èn l’ultim terz ha Hradec Kralove anc ina giada chattà lur gieu. Il gol al 3:4 en la 52avla minuta tras Rudolf Cerveny è però stà dispitaivel.

L’attatgader ha cun in sajet da la lingia blaua tutgà il gol vid, perquai ch’il goli da Lugano Daniel Manzato era sa blessà avant. L’arbiter n’aveva però betg interrut il gieu.

Crudà en egl tar Lugano è cunzunt Gregory Hofmann ch’ha fatg dus gols. Il finalist da l’onn passà ha cun sia victoria procurà per in ulteriur di da ruaus ed e directamain sa qualifitgà per ils mezfinals.

RR novitads 18:00

Cuppa Spengler 2016 Resultats

GieuDataSquadra da chasaResultatSquadra d'ordaifer
126.12.2016 15:00HC Lugano4:2Avtomobilist Yekaterinburg
226.12.2016 20:15HK Dinamo Minsk7:4Team Canada
327.12.2016 15:05Mountfield HK4:3Avtomobilist Yekaterinburg
427.12.2016 20:15HC Tavau3:4Team Canada
528.12.2016 15:05HC Lugano4:3Mountfield HK
628.12.2016 20:15HK Dinamo Minsk4:5HC Tavau
729.12.2016 15:05Mountfield HK
1:5Team Canada
829.12.2016 20:15HC Tavau
3:1Avtomobilist Yekaterinburg
930.12.2016 15:05HK Dinamo Minsk2:3Team Canada
1030.12.2016 20:15HC Lugano4:0HC Tavau
1131.12.2016 12:00Team Canada
--:--HC Lugano

Ils gieus vegnan commentads live al Radio Rumantsch.

Squadras a la Cuppa Spengler 2016

Num
Pajais/Lieu
Avtomobilist YekaterinburgRussia/Jekaterinburg
HCDCH/Tavau
HC LuganoCH/Lugano
HK Dinamo MinskBellorussia/Minsk
Mountfield HKTschechia/Hradec Králové
Team Canadada tut il Canada

Ina chapitscha dal HCD?

Ina chapitscha dal HCD?

Durant mintga gieu da la Cuppa Spengler datti da gudagnar ina chapitscha dal HCD sin Radio Rumantsch. Tedlai pia radio mintgamai a partir da las…

  • 15:00 fin ca las 17:00
  • 20:00 fin ca las 22:00

L'acziun è davent dals 26 fin e cun ils 30.12.2016. Al final da la Cuppa Spengler na datti nagina chapitscha da gudagnar.