Siglir tar il cuntegn
cuntegn

Naziunal/Internaziunal Cuppa Spengler: HCD en il mezfinal

Il club da hockey da Tavau ha gudagnà il gieu decisiv per sa qualifitgar per il mezfinal da la Cuppa Spengler. Il HCD ha gudagnà cun 3:1 (2:1, 0:0, 1:0) cunter Jekaterinburg. L'equipa russa va uschia a chasa senza ina victoria al turnier da quest onn. En il mezfinal dat il HCD cunter il HC Lugano.

dus giugaders dal HCD giubileschan suenter in gol
Legenda: Claude Curdin Paschoud (san.) gratulescha a Drew Shore sin ses gol al 2:0 cunter Jekaterinburg. Keystone

Il HCD cuntanscha uschia per la setavla giada en roda la runda da las ultimas quatter equipas. En il segund mezfinal datti damaun la saira per l'emprima giada insumma in duel tranter dus clubs da la liga naziunala A: Il HC Lugano cunter il HCD.

Ils Bianconeri cumbattan per la terza giada a la terza partizipaziun da vegnir en il final. L'equipa da Arno del Curto pudess per l'emprima giada puspè dapi il 2012 cumbatter per la trofea.

Team Canada er en il mezfinal

Il suentermezdi è il Team Canada sa qualifitgà sco terz'equipa per il mezfinal da la Cuppa Spengler. En il gieu decisiv cunter l'equipa tscheca da Mountfield han ils Canadais gudagnà cleramain cun 5:1. Damaun suentermezdi dat il Team Canada uschia il mezfinal cunter Dinamo Minsk.

RR novitads 23:00

Cuppa Spengler 2016 Resultats

GieuDataSquadra da chasaResultatSquadra d'ordaifer
126.12.2016 15:00HC Lugano4:2Avtomobilist Yekaterinburg
226.12.2016 20:15HK Dinamo Minsk7:4Team Canada
327.12.2016 15:05Mountfield HK4:3Avtomobilist Yekaterinburg
427.12.2016 20:15HC Tavau3:4Team Canada
528.12.2016 15:05HC Lugano4:3Mountfield HK
628.12.2016 20:15HK Dinamo Minsk4:5HC Tavau
729.12.2016 15:05Mountfield HK
1:5Team Canada
829.12.2016 20:15HC Tavau
3:1Avtomobilist Yekaterinburg
930.12.2016 15:05HK Dinamo Minsk2:3Team Canada
1030.12.2016 20:15HC Lugano4:0HC Tavau
1131.12.2016 12:00Team Canada
--:--HC Lugano

Ils gieus vegnan commentads live al Radio Rumantsch.

Squadras a la Cuppa Spengler 2016

Num
Pajais/Lieu
Avtomobilist YekaterinburgRussia/Jekaterinburg
HCDCH/Tavau
HC LuganoCH/Lugano
HK Dinamo MinskBellorussia/Minsk
Mountfield HKTschechia/Hradec Králové
Team Canadada tut il Canada

Ina chapitscha dal HCD?

Ina chapitscha dal HCD?

Durant mintga gieu da la Cuppa Spengler datti da gudagnar ina chapitscha dal HCD sin Radio Rumantsch. Tedlai pia radio mintgamai a partir da las…

  • 15:00 fin ca las 17:00
  • 20:00 fin ca las 22:00

L'acziun è davent dals 26 fin e cun ils 30.12.2016. Al final da la Cuppa Spengler na datti nagina chapitscha da gudagnar.