Siglir tar il cuntegn

Header

Plirs giugaders da hockey sin il glatsch
Legenda: Alexander Kitarov da Minsk ed il Canadais Dustin Jeffrey cumbattan per il puck. Keystone
cuntegn

Naziunal/Internaziunal Cuppa Spengler: Dynamo Minsk pli ferm ch'il Team Canada

Il victur da l’onn passà, il Team Canada, ha cumenzà cun ina terrada la 90avla Cuppa Spengler. Ils Canadais perdan cunter Dynamo Minsk cun 4:7, suenter ch'els manavan in mument cun 3:1.

Las emprimas minutas dal gieu ha Dynamo Minsk dominà, ed era sajettà il 1:0. Ils Canadais han dentant reagì e sajettà in gol suenter l’auter fin al 1:3. Curt avant la fin da l’emprim terz ha Minsk lura anc pudì scursanir.

En il segund terz è la partida stada pli equilibrada tranter las duas equipas. Ed uschia è il resultat suenter dus terzs stà in pari 3:3.

El davos terz ha l’equipa da la Bielorussia dà pli effizient ed era sajettà dapli gols. Quai mussa il resultat dals davos terz cun 4:1. Il davos gol al resultat final da 7:4 sajettà Dynamo Minsk en il gol vid dal Team Canada.

Pervi da questa terrada frunta il Team Canada il mardi saira sin il HCD, il classicher è gia sil program. Il HCD n'ha betg gì ina stagiun simpla en la liga naziunala A ed è da preschent sin plazza set da la liga svizra.

Per las proximas partidas po l'equipa da Dynamo Minsk quintar cun in ulteriur ferm giugader. Il Svedais Fredrik Pettersson ch'è stà engaschà las duas davosas stagiuns cun oraifer success tar il HC Lugano vegn a dar cun l'equipa da la Bielorussia. Pir la dumengia passada ha Pettersson midà entaifer la liga russa KHL tar Dynamo Minsk.

Cuppa Spengler 2016 Resultats

GieuDataSquadra da chasaResultatSquadra d'ordaifer
126.12.2016 15:00HC Lugano4:2Avtomobilist Yekaterinburg
226.12.2016 20:15HK Dinamo Minsk7:4Team Canada
327.12.2016 15:05Mountfield HK4:3Avtomobilist Yekaterinburg
427.12.2016 20:15HC Tavau3:4Team Canada
528.12.2016 15:05HC Lugano4:3Mountfield HK
628.12.2016 20:15HK Dinamo Minsk4:5HC Tavau
729.12.2016 15:05Mountfield HK
1:5Team Canada
829.12.2016 20:15HC Tavau
3:1Avtomobilist Yekaterinburg
930.12.2016 15:05HK Dinamo Minsk2:3Team Canada
1030.12.2016 20:15HC Lugano4:0HC Tavau
1131.12.2016 12:00Team Canada
--:--HC Lugano

Ils gieus vegnan commentads live sin Radio Rumantsch.

Squadras a la Cuppa Spengler 2016

Num
Pajais/Lieu
Avtomobilist YekaterinburgRussia/Jekaterinburg
HCDCH/Tavau
HC LuganoCH/Lugano
HK Dinamo MinskBellorussia/Minsk
Mountfield HKTschechia/Hradec Králové
Team Canadada tut il Canada

Ina chapitscha dal HCD?

Avrir la box Serrar la box
Ina chapitscha dal HCD?

Durant mintga gieu da la Cuppa Spengler datti da gudagnar ina chapitscha dal HCD sin Radio Rumantsch. Tedlai pia radio mintgamai a partir da las…

  • 15:00 fin ca las 17:00
  • 20:00 fin ca las 22:00

L'acziun è davent dals 26 fin e cun ils 30.12.2016. Al final da la Cuppa Spengler na datti nagina chapitscha da gudagnar.

Artitgels legids il pli savens