Cuppa Spengler: Blers chastis mainan a la terrada dal HCD

Per il HCD ha la Cuppa Spengler cumenzà cun ina terrada. Ils da Tavau perdan suenter ina partida intensiva e cun blers chastis cunter il Team Canada cun 3:4.

In giugader da hockey fa pressiun sin in goli.

Legenda da maletgs: Jacob McFlikier dal Team Canada metta sut pressiun il goli dal HCD Gilles Senn. Keystone

En l’emprim terz va il club da hockey da Tavau en avantatg en la 12avla minuta. 5 minutas pli tard po il Team Canada egualisar, damai ch’els prendan il goli ord il gieu suenter ch’ils arbiters signaliseschan in chasti cunter Tavau.

En la 28avla minuta va il Team Canada lura en avantatg. En in powerplay dal HCD nizzegian ils Canadais in sbagl che Beat Forster fa cun sa laschar midar ora. Uschia è il HCD suenter il segund terz cun 1:2 en retard.

Il davos terz cumenza bain per ils da Tavau, en la 46avla minuta vegnan els d’egualisar. Dentant pauc pli tard survegn Beat Forster in tup chasti, el sajettà il puck sur il plexiglas ora, ed il Team Canada va puspè en avantatg. En la 53avla minuta marcan ils Canadais lura anc il quart gol. Bain po Tavau anc reagir, per dapli ch’il 3:4 na tanschi dentant betg.

Suenter questa terrada ha il HCD tuttina anc la schanza da cuntanscher plazza 1 en sia gruppa. Per cuntanscher quai ston els dentant gudagnar cun plirs gols differenza cunter la ferma squadra da Dinamo Minsk.

Cuppa Spengler 2016 Resultats

GieuDataSquadra da chasaResultatSquadra d'ordaifer
126.12.2016 15:00HC Lugano4:2Avtomobilist Yekaterinburg
226.12.2016 20:15HK Dinamo Minsk7:4Team Canada
327.12.2016 15:05Mountfield HK4:3Avtomobilist Yekaterinburg
427.12.2016 20:15HC Tavau3:4Team Canada
528.12.2016 15:05HC Lugano4:3Mountfield HK
628.12.2016 20:15HK Dinamo Minsk4:5HC Tavau
729.12.2016 15:05Mountfield HK
1:5Team Canada
829.12.2016 20:15HC Tavau
3:1Avtomobilist Yekaterinburg
930.12.2016 15:05HK Dinamo Minsk2:3Team Canada
1030.12.2016 20:15HC Lugano4:0HC Tavau
1131.12.2016 12:00Team Canada
--:--HC Lugano

Ils gieus vegnan commentads live al Radio Rumantsch.

Squadras a la Cuppa Spengler 2016

Num
Pajais/Lieu
Avtomobilist YekaterinburgRussia/Jekaterinburg
HCDCH/Tavau
HC LuganoCH/Lugano
HK Dinamo MinskBellorussia/Minsk
Mountfield HKTschechia/Hradec Králové
Team Canadada tut il Canada

Ina chapitscha dal HCD?

Ina chapitscha dal HCD?

Durant mintga gieu da la Cuppa Spengler datti da gudagnar ina chapitscha dal HCD sin Radio Rumantsch. Tedlai pia radio mintgamai a partir da las…

  • 15:00 fin ca las 17:00
  • 20:00 fin ca las 22:00

L'acziun è davent dals 26 fin e cun ils 30.12.2016. Al final da la Cuppa Spengler na datti nagina chapitscha da gudagnar.