Cuppa Davis: Laaksonen egualisescha per la Svizra

Ils giugaders da tennis svizzers vegnan d'egualisar il duel da la cuppa Davis cunter l'Usbekistan. En la segunda partida cunter la relegaziun gudogna Henri Laaksonen cunter Sanjar Fajsiew cun 6:2, 6:2 e 6:2.

Henri Laaksonen durant il gieu da tennis cunter Sanjar Fajsiew

Legenda da maletgs: Henri Laaksonen ha pudì egualisar la partida da la cuppa Davis. Keystone

Suenter l'emprima partida eran ils Svizzers anc enavos. Cunter Denis Istomin dal Usbekistan, ha il Svizzer da 19 onns, Antoine Bellier pers en trais sets cun 3:6, 2:6 e 4:6. Il numer 1 da l'Usbekistan ha nizzegià la schanza per il break tar 5:3.

Damaun è lura il dubel cun ils svizzers Adrien Bossel e Johan Nikles.

RR novitads 14:00