Cuppa Davis: La Svizra resta en la gruppa mundiala

L’equipa svizra da la Cuppa Davis ha pudì mitschar da la relegaziun ord la gruppa mundiala. Il genevrin Antoine Bellier da 19 onns segirescha cunter l’Usbekistan il punct decisiv.

Antoine Bellier

Legenda da maletgs: Il giuven genevrin Antoine Bellier segirescha la victoria per la Svizra. Keystone

L’equipa svizra dal Davis Cup cun il chapitani Severin Lüthi resta en la gruppa mundiala. Cun ina victoria cunter Jarubek Karimow segirescha il giuven genevrin la victoria per la Svizra.

Intensiva partida dals dus teenagers

Antoine Bellier che ha 19 onns ed è il mument il numer 507 dal mund ha giu da giugar cunter il giuven usbek da 18 onns Jarubek Karimow ch’è il numer 769 dal mund. La partida è ida sur quatter sets la finala gudogna Bellier cun 6:2, 6:4, 6:7 (6:8) e 6:3.

RR novitads 16:00