Siglir tar il cuntegn

Header

video
Sion sa mudregia cunter Rapperswil-Jona
Or da Sport-Clip dals 06.08.2020.
laschar ir. Durada: 2 minutas 14 Secundas.
cuntegn

Cuppa da ballape Sion ed YB stattan en il mezfinal

Sion ed YB cuntanschan ils mezfinals da la Cuppa da ballape svizra. Gia dumengia proxima fruntan las duas equipas ina cunter l'autra e cumbatten per il final dals 30 d'avust en il stadio Wankdorf a Berna.

Sion ha gudagnà il quartfinal ordaifer cunter Rapperswil da la Promotion League cun 2:1. Lez ha dentant merità respect per sia prestaziun. Curt avant la fin dal gieu ha Rapperswil schizunt manchentà ina gronda schanza al pari da 2:2. Gia en la terza minuta ha Robert Uldrikis sajettà l'emprim gol per Sion ed en la 22avla minuta ha Grgic sajettà il 2:0 cun penalti.

video
Gia baud sajetta Uldrikis l'emprim gol per Sion
Or da Sport-Clip dals 06.08.2020.
laschar ir. Durada: 25 Secundas.

Gaudino sajetta YB en il mezfinal

Lucerna ha pers a chasa cunter il campiun svizzer YB medemamain cun 1:2, dentant pir suenter prolungaziun. Grazia ad in gol da bellezza en la 116avla minuta stat uschia il campiun svizzer en il mezfinal. Il gieu tranter Lucerna ed ils Young Boys è stà in cumbat equivalent. En la 33avla minuta ha Margiotta sajettà il 1:0 per Lucerna. Be ina minuta pli tard ha Nsame egualisà. Lura è il gieu stà in vi e nà. Cunter la fin dal gieu è YB vegnì pli ferm. En la prolungaziun ha Lucerna empruvà da controllar pli fitg il gieu ed ha era gì schanzas da decider il gieu. En la 116avla minuta ha Gaudino da YB dentant survegnì il bal ord casualitad e sajettà direct en il cantun dal gol.

video
Ils highlights da Lucerna - YB
Or da Sport-Clip dals 06.08.2020.
laschar ir. Durada: 5 minutas 37 Secundas.

Gia dumengia vai vinavant

Dumengia proxima dattan uschia YB cunter Sion l'emprim mezfinal. Il segund mezfinal, quel tranter Basilea e Winterthur, datti lura ils 25 d'avust. Il final da la Cuppa svizra è lura ils 30 d'avust a Berna en il stadio da Wankdorf.

RTR novitads 21:00

Artitgels legids il pli savens