Siglir tar il cuntegn

Naziunal/Internaziunal Cun nov material al success

L’enviern passà e stà in enviern spezial per Nevin Galmarini. Il snowboardist d'Ardez ha gudagnà la medaglia d’argient als gieus olimpics a Sotschi en Russia. Mo las finamiras na mancan betg a Galmarini.

Nevin Galmarini, il snowboardist da Zernez.
Legenda: Nevin Galmarini, il snowboardist da Zernez. Keystone

El ha numnadamain anc mai gudagnà ina cursa da la cuppa mundiala. Il plaz sin il podest ha el gia fatg diversas giadas, ma mai anc enfin sisum. Gidar tar quella finamira duai era il nov material. L’Engiadinais parta ussa cun ina aissa dad ina firma svizra. Là possia el uss gidar e discurrer dapli vid il svilup dal material.

Questa fin d’emna èn las emprimas cursas da la stagiun. Ils umens partan sonda da las 12:30 a Carezza en Italia ad ina cursa da slalom gigant.