Duas giadas Stefanie Marty, Julia Marty, Phoebe Stanz e Lara Stalder han fatg ils gols per la Svizra i procurà uschia per la prima victoria da la Svizra tar il punct culminant da questa stagiun da hockey.
Prim grond turnier dapi ils gieus olimpics
Il campiunadi mundial durant ils proxims 10 dis a Malmö è il prim grond turnier dapi la medaglia da bronz dals gieus olimpics da Sotschi da l'onn passà. Dapi la medaglia al turnier olimpic è creschida la popularitad da la squadra naziunala e forsa er l'interess per il hockey da las dunnas en general.
Dapi in onn ha la naziunala da hockey da las dunnas in nov trenader. L'anteriur giugader da classa Gian Marco Crameri è il nov schef a la banda da la squadra naziunala.
