Avant ina bella culissa da passa 500 aspectaturs han ils da Cuira dentant fadia da vegnir en il gieu. Suenter il 0:2 tras Wetzikon en la 28avla minuta mussan els dentant ina reacziun. E Cuira vegn anc d’egualisar en il segund terz.
En il temp regular na datti lura nagins gols pli. En la prolungaziun gartegia al EHC Cuira lura il gol decisiv al 3:2.
Arosa resta flaivel
Il EHC Arosa perda in ulteriur gieu da la masterround, a Biasca resulta ina terrada da 4:7. Suenter che Arosa ha survegnì baud 2 gols, han ils Grischuns pudì egualisar al 3:3 en il segund terz. En il davos terz ha il HCC Biasca lura marcà 3 gols, uschia che la terrada n’è betg pli stada d’evitar per il EHC Arosa.
Partenz-Signuradi resta a la testa
En il campiunadi da la 2. liga defenda il HC Partenz-Signuradi l’emprim plaz dal classament, cun ina victoria da 8:5 cunter il SC Rheintal. Ils dus ulteriurs clubs grischuns perdan lur gieus ordaifer, il EHC San Murezzan cunter il EHC Kreuzlingen-Konstanz cun 4:5 ed il EHC Lai-Valbella cun 3:4 cunter il EHC Uzwil.
RR Novitads 23:00