Siglir tar il cuntegn

Header

cuntegn

Naziunal/Internaziunal Cuira 97 dat pari en il gieu a la testa

Il Club da ballape Cuira 97 ha giugà pari 1:1 encunter il FC Weesen, il gieu a la testa da la tabella en la segunda liga. Cuira resta uschia suveran sin l'emprim plaz.

audio
Ballape regiunal - Cuira 97
ord Sportissimo dals 17.10.2015.
laschar ir. Durada: 4 minutas 11 Secundas.

Dals emprims 9 gieus da campiunadi ha il meglier club grischun gudagnà set e giugà duas giadas pari. En la tabella maina Cuira cun 7 puncts avant Weesen ed 8 puncts avant Montlingen ed è sin buna via da terminar la fasa d'atun sin l'emprim plaz. Pertge avant la pausa d'enviern stattan sulet anc dus gieus sin il program.

Stuì sa cuntentar cun in pari ha er il segund club grischun en la segunda liga da ballape. L'US Schluein Glion ha giugà 2:2 encunter Vaduz, quai suenter ch'il club sursilvan manava cun 2:0. En la 92avla minuta ed uschia cun la davosa acziun dal gieu ha Vaduz anc pudì engular in punct da Crap Gries. Schluein Glion resta uschia sin il 10avel plaz da la tabella cun 8 puncts, 3 puncts reserva sin in plaz da relegaziun.

En il proxim gieu da campiunadi, sonda ils 24 d'october, dat l'US Schluein Glion a chasa encunter il FC Montlingen, Cuira 97 ordaifer encunter Au-Berneck.

RR novitads 22.00

Artitgels legids il pli savens