Siglir tar il cuntegn
Inhalt

Naziunal/Internaziunal Cristiano Ronaldo è sportist europeic da l'onn

Il ballapedist portugais da Real Madrid ha gudagnà gia sco l'onn passà. Quai tenor in'enquista che l'agentura da novitads polacca, PAP ha fatg tar 26 agenturas da novitads europeicas. Sin il segund plaz suonda Lewis Hamilton, sin il terz plaz Roger Federer.

Purtret da Cristiano Ronaldo che tigna si ils mauns.
Legenda: Cristiano Ronaldo è il sportist da l'Europa 2017. Keystone

Cristiano Ronaldo ha survegnì cun 159 puncts, ils pli blers. Sin plazza dus suonda il manischunz da Furmla 1 brit, Lewis Hamilton cun 143 puncts. E sin il terz plaz è vegnì il svizzer, Roger Federer cun 124 puncts. Federer è cun 5 titels quel cun il record tar questa enquista che vegn fatga gia dapi il 1958.

Davos il trio giascha il numer in dal tennis, Rafael Nadal cun 113 puncts. Lura suondan la campiunessa dubla Svedaisa, Sarah Sjöström cun 75 puncts ed il skiunz Marcel Hirscher cun 68 puncts.

RR novitads 12:00