Siglir tar il cuntegn

Header

Navigaziun

Suenter ina partida da tschintg sets è Federer levgià ch'i è gartegià.
Legenda: Suenter ina partida da tschintg sets è Federer levgià ch'i è gartegià. Keystone
cuntegn

Naziunal/Internaziunal Crimi da tennis a l'Australian Open a Melbourn

Roger Federer gudogna in gieu plain tensiun ed è uss en il quartfinal da l'Australian Open. La partida n'aveva betg gist cumenzà bain per Federer. Suenter 25 minutas era el en retard cun 1:5. In quart d'ura pli tard aveva Federer dentant puspè ulivà la partida.

Nishikori ha la finala gudagnà l'emprim set cun 7:6. Il segund e terz set ha Federer dominà ed ins avess pudì pensar ch'il gieu sa decidia en il quart set. Ma Nishikori ha cumbattì cun tutta forza e gudagnà il quart set.

Er en il tschintgavel set ha Federer stuì sentir che Nishikori è in adversari zai. Il Giapunais po adina puspè scursanir ses retard, ma Federer na lascha betg luc. Facit: Federer gudogna en tschintg sets cun 6:7, 6:4, 6:1, 4:6 e 6:3 ed è per la 13avla giada en il quartfinal dal Australian Open a Melbourn.

Il gieu da quartfinal è mardi, ils 24 da schaner cunter il numer 50 dal mund, il Tudestg Mischa Zverev.

RR novitads 14:00