Siglir tar il cuntegn

Naziunal/Internaziunal Corsin Casutt mida tar ils Lakers

Il Grischun da 31 onns mida da Kloten tar il club da la liga naziunala B, Rapperswil-Jona Lakers. L'attatgader ha giugà las ultimas duas stagiuns tar Kloten. En la stagiun passada ha el giugà 50 gieus, sajettà 10 gols e nudà 6 puncts d'assist.

il giugader da hockey Corsin Casutt
Legenda: Suenter duas stagiuns tar Kloten mida Corsin Casutt tar Rapperswil. Keystone

Vitiers survegn il trenader dals Lakers, Jeff Tomlinson, cun il Canadais Dion Knelsen in ulteriur giugader da sia patria. Il giugader dal center Knelsen ha giugà en la Norvegia tar l'equipa da l'emprima liga Sparta Sarpsborg. Plinavant mida il defensur da 19 onns Nico Gurtner da l'SC Berna tar ils Lakers.

RR novitads 12:00