Siglir tar il cuntegn

Naziunal/Internaziunal Corea dal Nord vul er sa participar a Peking ed a Tokio

La Corea dal Nord vul er sa participar als proxims gieus olimpics da stad, sco er als proxims gieus d'enviern.

Rintgs olimpics.
Legenda: Er a Pyeongchang era la Corea dal Nord a curta vista anc sa decidida da sa participar. Keystone

Er tar ils gieus olimpics da stad a Tokio il 2020 e tar ils gieus olimpics d'enviern a Peking il 2022 vul la Corea dal Nord esser da la partida. Quai ha il schef dal comité olimpic internaziunal Thomas Bach confermà suenter sia visita a Pyeongchang.

Bach era stà trais dis en la Corea dal Nord. Il venderdi aveva el discurri cun il president Kim Jong-Un. Els hajan gì in discurs «avert e fritgaivel».

Tuttina sa participads a Pyeongchang

La Corea dal Nord era il favrer sa decidida a curta vista da tuttina sa participar als gieus olimpics a Pyeongchang. Tar la festa d'inauguraziun eran ins sportists dals pajais inimis entrads communablamain en il stadion.

RR novitads 12:00