Naziunal/Internaziunal - Copa Sudamericana per Chapecoense
Il club da ballape Chapecoense è il victur da la Copa sudamericana da quest onn. L'associaziun da ballape Conmebol ha declerà che l'equipa ch'è crudada giu cun l'eroplan haja gudagnà il titel.
Uschia survegn il club la premia da 2 milliuns dollars ed il dretg da sa participar l'auter onn a la Copa Libertadores. Quels daners gidan a reconstruir il club.
Conmebol ha confermà d'avair survegnì da l'adversari da final, Atletico Nacional l'incumbensa da declerar Chapecoense sco victur. Ils Columbians survegnan persuenter ina premia da fair-play dad in milliun dollars.