Siglir tar il cuntegn

Naziunal/Internaziunal Contract dubel per Josh Holden tar l'EVZ

Il giugader da hockey Josh Holden resta tar l’EV Zug. L’attatgader canadais ha suttascrit in contract ch’è valaivel tant per l’equipa da la NLA sco era per il Farmteam EVZ Academy da l’NLB.

Il giugader da hockey Josh Holden sesa sin la banda.
Legenda: Il Canadais da 39 onns gioga dapi il 2008 per l'EV Zug. Keystone

En l'equipa da la NLA è Holden previs sco tschintgavel giugader ester. Tgi che vegn pladì sper l'American Garrett Roe, il Canadais David McIntyre ed il Svedais Carl Klingberg sco quart giugader ester è anc avert.

En l’emprima equipa gioga Holden però be sch’in auter ester croda ora. Holden gioga dapi 12 onns en Svizra e pudess quest onn dumandar il dretg da burgais svizzer. Dapi il 2008 è el a Zug ed ha fatg en 472 gieus per l'EVZ 455 puncts da skorer (183 gols, 272 assists).

RR novitads 15:00