Siglir tar il cuntegn

Header

Navigaziun

Purtret da Dario Cologna.
Legenda: En l'ultima cursa da 15km classic n'hai betg tanschi per in plaz sin il podest. Keystone
cuntegn

Naziunal/Internaziunal Cologna vegn 6avel tar il final da la cuppa mundiala

Sin ils 15km en la disciplina classica a Québec na tanschi betg per ina medaglia.

Tar la cursa cun start da massa n'ha Dario Cologna gì nagins problems cun ses ventrigl. Per il podest n'hai dentant betg tanschì. Gudagnà la cursa ha il Norvegiais Johannes Hösflot Klaebo. Cologna perda 62 secundas sin il victur.

Era anc puncts da la cuppa mundiala datti per ils dus ulteriurs Svizzers. Jonas Baumann da Lon daventa 21avel, e Roman Furger cuntanscha plazza 30.

Svizras na persvadan betg

Tut las dunnas svizras a la partenza da la cursa da 10km, medemamain en stil classic cun start da massa, manchentan in plaz en las top 30. Nadine Fähndrich e Nathalie von Siebenthal arrivan sin ils plazs 34 e 35, e Laurien van der Graaff daventa 39avla. La Norvegiaisa Marit Björgen gudogna la cursa, e fa uschia sia 104. victoria en la cuppa mundiala.

RR novitads 18:00