Siglir tar il cuntegn
cuntegn

Naziunal/Internaziunal Cologna per la quarta giada campiun svizzer en il sprint

Al campiunadi svizzer da passlung a Steg en il Principadi da Liechtenstein ha Dario Cologna gudagnà in'ulteriura medaglia d'aur.

Dario Cologna.
Legenda: Dario Cologna è per la quarta giada campiun svizzer. Keystone

Il quatterdubel victur olimpic Dario Cologna è campiun svizzer dal sprint. A Steg en il Principadi dal Liechtenstein ha el gudagnà il sprint en in cumbat stretg cunter il Romand Erwan Käser. Terz è vegnì Beda Klee dal chantun Son Gagl. Suenter il 2010, 2011 e 2012 ha Cologna gudagnà per la quarta giada il titel da campiun svizzer en il sprint.

Tar las dunnas ha Nadine Fähndrich gudagnà. Laurien van der Graaff n'era betg preschenta. Suenter il 2016 ha la Lucernaisa gudagnà quest titel per la segunda giada. Cun ella sin il podest èn stadas Stefanie Arnold dad Unterschächen e Heidi Widmer da Tavau.

RR novitads 17:00