Siglir tar il cuntegn

Header

cuntegn

Naziunal/Internaziunal Cologna manchenta plaz da podest

Dario Cologna ha terminà la cursa sur 15 kilometers en stil classic a Falun sin il 6avel plaz. En il classament ha Cologna uss 34 puncts avantatg sin Martin Johnsrud Sundby ed è in pass pli datiers a la culla pitschna da la cuppa mundiala en distanza. Tar las dunnas gudogna Krista Pärmäkoski.

Dario Cologna ha fatg in ulteriur pass per gudagnar la culla da cristal pitschna en las cursas da distanzas lungas da passlung. Cologna è vegnì sisavel en la segunda davosa cursa da la stagiun, ils 15 kilometers en il stil classic al final da la cuppa mundiala a Falun en Svezia. Gudagnà ha il Russ Alexander Bolshunov. Il Svedais Calle Halfvarsson ed il Talian Francesco De Fabiani cumpletteschan il podest.

In mal start ha Jonas Baumann gì. En il grond travasch da la partenza è el crudà e ses concurrents han surpassà el. Il Svizzer è a la fin finala anc vegnì sin plaz 44.

audio
Cologna ha terminà la cursa sur 15 kilometers en stil classic sin il 6avel plaz
ord Sportissimo dals 17.03.2018.
laschar ir. Durada: 3 minutas 21 Secundas.

Pärmäkoski gudogna sprint

Tar las dunnas gudogna Krista Pärmäkoski da la Finlanda. Ella ha per la terza giada gudagnà en questa stagiun ina cursa da 10 kilometers en stil classic. Ella ha battì en il sprint final Marit Björgen da la Norvegia, la meglra curridra da tut il temp. Terza è Ingvild Flugstad Oestberg, medemamain da la Norvegia.

Meglra svizra è Nadine Fähndrich. La victura dal Maraton da skis engiadinais è 23avla, Nathalie von Siebenthal è 34avla, Laurien van der Graaff è 38avla.

RR novitads 16:00

Artitgels legids il pli savens