Siglir tar il cuntegn

Header

video
Dario Cologna sin via a la victoria al Tour de Ski
Or da Telesguard dals 04.01.2018.
laschar ir. Durada: 2 minutas 2 Secundas.
cuntegn

Naziunal/Internaziunal Cologna augmenta avantatg al Tour de Ski

Suenter sias duas victorias a Lai ha Dario Cologna er persvadì en la 5avla etappa ad Oberstdorf. Cologna ha danovamain demonstrà sia buna furma ed ha fatg in ulteriur grond pass direcziun ses quart triumf al Tour de Ski suenter il 2009, 2011 ed il 2012.

audio
Dario Cologna vegn quart e augmenta avantatg en il classament general
ord Novitads dals 04.01.2018.
laschar ir. Durada: 1 minuta.

Il Jauer è stà durant l’entira cursa a la testa ed ha gudagnà durant quels 15 kilometers 27 da 30 secundas da bunificaziun pussiblas. Ses pli grond concurrent, il defensur dal titel, il Russ Sergej Ustjugow ha perencunter gudagnà be 4 secundas da bunificaziun ed è plinavant cupitgà curt avant l’arrivada.

Cologna il pli ferm els sprints da bunificaziun

Avant la duas etappas finalas la fin d’emna en la Val di Fiemme maina Dario Cologna il classament general dal Tour de Ski cun in avantatg da 53 secundas sin Sergej Ustjugow.

Pralong dumogna criteris da selecziun per Pyeongchang

Sco segund meglier svizzer è Candide Pralong vegnì 19avel en la cursa ad Oberstdorf. Cunquai ha il Romand dumagnà ils criteris da selecziun da Swiss Olympic per ils gieus olimpics il favrer a Pyeongchang. A Tavau Nordic mez december era Pralong gia vegnì 18avel.

RR novitads 12:00

Artitgels legids il pli savens