Cologna 7avel al Tour de Ski a Toblach

A la 6avla etappa dal Tour de Ski a Toblach en l'Italia vegn Dario Cologna 7avel en la cursa da 10 km skating.

Dario Cologna

Legenda da maletgs: Dario Cologna cun ina prestaziun solida a la 6avla etappa dal Tour de Ski. Keystone

Dario Cologna ha pers 22 secundas sin il victur, il Norvegiais Finn Haagen Krogh. Il leader dal Tour, il Norvegiais Martin Johnsrud Sundby, è vegnì segund ed ha extendì ses avantatg en il classament general.

En quest classament è Cologna il mument sin plazza 7. El ha 2 minutas a 49 retard sin Sundby e 1 minuta 18 retard sin ina plazza da podest.

RR novitads 14:00