Siglir tar il cuntegn
Inhalt

Naziunal/Internaziunal CM hockey: La Svizra stat en il quartfinal

Ina clera victoria dal Canada cunter la Norvegia (5:0) ha chaschunà relaziuns cleras en la tabella da la gruppa B, la gruppa cun la Svizra. Canada, Tschechia, Finlanda e la Svizra èn definitivamain en ils quartfinals. L'Italia vegn relegada.

equipa naziunala svizra dal hockey sa legra
Legenda: L'equipa naziunala è gia sa qualifitgada, anc avant l'ultim gieu cunter la Tschechia. Keystone

Avant il duel era gnanc il Canada matematicamain segir da pudair sa qualifitgar. Ussa è tut cler, il Canada è sin plazza 1 da la gruppa B ed era las ulteriuras trais equipas naziunalas èn uschia definitivamain en la runda da KO.

Damaun dat la Svizra anc l'ultim gieu cunter la Tschechia. Cun ina victoria pudess la Svizra anc sa posiziunar meglier en la tabella.

RR novitads 20:00