Clubs da ballape svizzers cun disfortuna en l’Europa League

Ils Young Boys da Berna perdan en la fasa da gruppa da l’Europa League ed era l’FC Turitg perda en l’Europa League ma ordaifer.

Davon in gugader dal FCZ, davos festivescha Villarreal.

Legenda da maletgs: Per l'FC Turitg èsi ina terrada ma tuttina ina pitschna satisfacziun da pudair giugar internaziunal. Keystone

Per l’FC Turitg ch’è vegnì relegà la stagiun passada en la Challange League è quai in return sin il palc da ballape internaziunal. Ils Turitgais han giu da viagiar en Spagna tar l’FC Villarreal. Suenter ina intensiva ma er buna partida dal FCZ perdan ils Turitgais cun 1:2.

YB perda cunter favurit

Ed era il club da ballape da la chapitala, ils Young Boys Berna perdan l’emprima partida en la fasa da gruppa da l’Europa League. A chasa cunter il favurit en la gruppa l’equipa grecca Olimpiakos Piräus perda YB cun 0:1.