Siglir tar il cuntegn
cuntegn

Naziunal/Internaziunal Ciclissem: Terpstra gudogna il gir da la Flandra

L'Ollandais Niki Terpstra ha gudagnà il 102avel gir da la Flandra.

Niki Terpstra.
Legenda: Per Terpstra èsi la segunda gronda victoria en ina cursa classica. Keystone

Sco gia tar sia victoria tar la cursa da preparaziun a Harelbeke il venderdi avant, ha Niki Trepstra er la dumengia da Pasca mussà ch'el è en furma. Il ciclist ollandais Niki Terpstra è stà il pli spert tar il gir da Flandra sur 166 kilometers solo. Cun grond avantatg è el sa mess tras cunter Mads Perdersen dal Danemarc. Il victur da l'onn passà, Philippe Gilbert ha quest onn stuì sa dar cuntent cun il terz plaz.

Per Terpstra èsi la segunda gronda victoria en ina cursa classica. Il 2014 aveva'l gudagnà Paris-Roubaix.

Buna cursa per Küng, Schär è cupitgà

Il ciclist svizzer Stefan Küng ha gì ina buna cursa enfin ch'el ha radund 45 kilometers avant l'arrivada pers ses plaz tar la gruppa da favurits pervia da mancanza da forza. Ses collega da team Michael Schär è stà involvì en ina cupitgada da massa 98 kilometers avant l'arrivada.

RR novitads 18:00