Siglir tar il cuntegn

Naziunal/Internaziunal Chris Froome gudogna il Tour de France 2017

Per il Brit è quai gia la quarta victoria da la cursa da velo tradiziunala en Frantscha.

il victur dal Tour de France Chris Froome
Legenda: Triumf a l'Arc de Triomphe: il victur dal Tour de France Chris Froome (en dress mellen). Keystone

Victur gia per la quarta giada

Chris Froome dal Team Sky ha gudagnà - suenter il 2013, 2015 e 2016 - per la quarta giada il Tour de France. Quai cun in avantatg da 54 secundas. L'etappa finala è stada tradiziunalmain sin ils Champs Elysées a Paris. Gudagnà la davosa etappa ha l'ollandais Dylan Groenewegen.

Meglier Svizzer sin rang 30

Tut ils ciclists svizzers han finì il Tour de France. Sco meglier è sa classà il lucernais Mathias Frank sin plaz 30. Il Tour de France 2017 ha gì ina lunghezza da 3540 kilometers.

RR actualitad 20:00