Siglir tar il cuntegn

Header

cuntegn

Naziunal/Internaziunal Chelsea vul enavos Drogba

Il club da ballape englais Chelsea vul far turnar enavos ses anteriur attatgader da la Costa d'Ivur, Didier Drogba. L’actual club da Drogba, Montreal Impact, ha confermà discurs correspundents.

Tenor medias britannicas vul Roman Abramowitsch, il possessur dal FC Chelsea, offrir a Drogba ina plazza en il stab da trenaders. L'attatgader da 37 onns ha in contract cun Montreal che vala fin il 2016. Il club da Montreal da sia vart sa mussa plain chapientscha:

Gist avant in’emna aveva Chelsea relaschà ses trenader, il Portugais José Mourinho. Mourinho aveva trenà Chelsea dal 2004 fin 2007 e lura danovamain a partir dal 2013. La stagiun passada aveva Mourinho manà Chelsea ad in ulteriur titel da campiun englais.

Il club da ballape Chelsea sa chatta actualmain sin plazza 15 da la tabella.

RR novitads 16:00

Artitgels legids il pli savens