Charlotte Chable na po betg nizzegiar ses avantatg

La skiunza svizra Charlotte Chable cupitga en il segund percurs dal slalom a Santa Caterina. Gudagnà ha la Norvegiaisa Nina Löseth avant la Tscheca Sarka Strachova e la Slovaca Veronika Velez.

La skiunza Svizra Charlotte Chable durant il slalom a Santa Caterina

Legenda da maletgs: Charlotte Chable durant l'emprim percurs Keystone

L'emprima mesadad da la cursa era fitg empermettenta per las Svizras. Tuttas 5 avevan cuntanschì il segund percurs. Charlotte Chable era 2. e Michelle Gisin 4. Omaduas han fatg in grev sbagl en la segunda mesadad da la cursa ed èn cupitgadas. Chable ha cuntinuà la cursa ed ha finì ella sin posiziun 27. Gisin è crudada or.

La finala è Wendy Holdener vegnida, sco meglra Svizra, 6avla. Chiara Gmuer ha medemamain mussà ina buna prestaziun. Ella è vegnida 20avla. Denise Feierabend ha finì la cursa sin il 25avel plaz.

RR Novitads 14:00