Siglir tar il cuntegn

Naziunal/Internaziunal Charles Leclerc 6avel ad Aserbeidschan

Al grond premi da furmla 1 en l’Asarbeidschan vegn l’equipa da Alfa-Sauber oz da far puncts uschia vegn il pilot Charles Leclerc sin posiziun sis.

Purtret da l'auto da Leclerc.
Legenda: Charles Leclerc è vegnì 6avel e po far puncts per Alfa-Sauber. Keystone

Il pilot Charles Leclerc è vegnì sisavel, è stà ina premiera. Per l'equipa dad Alfa-Sauber èsi stà il segund resultat cun puncts en quest onn, suenter che Marcus Ericsson era vegnì novavel en la cursa da Bahrain. Questa giada è el vegnì 11avel. Leclerc aveva gia persvadì avant in onn a Baku. En las cursas da furmla 2 aveva el fatg ils rangs 1 e 2.

Gudagnà la cursa caotica a Baku ha il pilot da Mercedes, Lewis Hamilton. El è stà il grond profitader durant la cursa. Sco emprim ha Sebastian Vettel anc vesì ora sco victur segir, lura ha Valteri Bottas surpiglià il timun. Ma er il Finlandais n'ha betg dumagnà. En la terz ultima runda ha el donnegià ses pneu davos cun in toc d'in auter auto che giascheva sin via. Grazia a la victoria dad oz maina Hamilton uss era il classament general davant Vettel ch'è la finala vegnì quart. Hamilton ha ussa quatter puncts avantatg sin el.

Segund è vegnì oz Kimi Raikönnen en Ferrari avant Sergio Perrez en Force India.

RR novitads 16:00