Siglir tar il cuntegn
Inhalt

Naziunal/Internaziunal Champions-League – Liverpool e Barcelona gudognan a chasa

Suenter l'emprima runda dals quart-finals pon Liverpool e Barcelona cumenzar a far plans per ils mez-finals.

Alex Oxlade-Chamberlain da Liverpool cun in sigl da legria.
Legenda: Alex Oxlade-Chamberlain da Liverpool suenter sajetter il 2:0 cunter Manchester City. Keystone

Il club da ballape da Barcelona po cumenzar a planisar per ils mez-finals da la Champions League. Ils Catalans han gudagnà ier la prima partida dals quart-finals encunter l'AS Roma – quai a chasa cun 4 ad 1.

Bunas schanzas da sa qualifitgar per la runda dals 4 megliers ha er l'FC Liverpool. Il team da Jürgen Klopp ha gudagnà il derbi englais encunter Manchester City – quai a chasa cun 3 a 0.

Las partidas da return èn l'emna che vegn.