Siglir tar il cuntegn

Naziunal/Internaziunal Champions League: Barcelona e Bayern suveran

Omadus clubs han gudagnà cleramain lur gieus ed èn sa qualifitgads anticipadamain per ils otgavelsfinals da la Champions League. Barcelona ha battì l'AS Roma gist cun 6:1 e Bayern ha gì nagins problems e gudagnà cunter Olympiakos Piräus cun 4:0.

dus ballapedists da Barcelona (t-shirt cun sdrimas cotschen e blau) sa legran
Legenda: Luis Suarez embratscha Dani Alves suenter ch'el ha sajettà l'emprim gol cunter l'AS Roma. Keystone

Ils ulteriurs resultats: L'FC Porto ha pers cunter Dynamo Kiew cun 0:2, Chelsea ha battì Maccabi Tel-Aviv cun 4:0, Zenit St. Petersburg ha gudagnà cunter Valencia cun 2:0 e Lyon ha pers cunter Gent cun 1:2.

RR novitads 06:00