Siglir tar il cuntegn
cuntegn

Naziunal/Internaziunal Carlo Janka po ir a Pyeongchang

Carlo Janka è selecziunà per ils gieus olimpics a Pyeongchang. Quai malgrà ch'il skiunz da Sursaissa n'è anc sa participà a naginas cursas questa stagiun, uschia Swiss Olimpic.

Carlo Janka emprova il resti per ils gieus olimpics a Pyeongchang.
Legenda: Carlo Janka emprova il resti per ils gieus olimpics a Pyeongchang. Keystone

Era sche Carlo Janka na saja sa participà a naginas cursas pervia da sia blessura dal schanugl, po el ir a Pyeongchang als gieus olimpics. El profiteschia d'ina clausula medicinala. Anc avant dus onns ha Janka gudagnà il super-G a Pyeongchang.

171 atlets svizzers a Pyeongchang

A partir dals 10 fin ils 25 da favrer cumbattan 171 atletas ed atlets svizzers per medaglias als gieus olimpics. Quai èn tants sco anc mai. L'onn 2014 han 163 sportists pudì cumbatter per medaglias a Sotchi.

Finamira: 11 medaglias e dapli

Il chef de mission, Ralph Stöckli, ha mess la finamira da «11 medaglias plus». Cun quest dumber s'orientescha Stöckli al dumber da medaglias a Sotchi. L'onn 2014 a Sotchi avevan las atletas ed ils atlets svizzers gudagnà set medaglias d'aur, duas d'argient e duas da bronz.

RR novitads 15:00