Siglir tar il cuntegn
cuntegn

Naziunal/Internaziunal Carlo Janka n'è betg dal tuttafatg cuntent cun ses comeback

Passa dus mais suenter sia blessura ha Carlo Janka absolvì cun success l’emprim trenament per la cursa rapida dal Lauberhorn. Dal tuttafatg cuntent n'è il Grischun betg.

Carlo Janka.
Legenda: Carlo Janka na fidia betg anc dal tuttafatg a ses schanugl ch'era blessà. Keystone

Carlo Janka è vegnì 21avel tar il trenament per la cursa rapida dal Lauberhorn. El ha pers passa 3 secundas sin l’Austriac Hannes Reichelt ch’è stà il pli spert. Il pli spert Svizzer è Beat Feuz stà ch'ha cuntanschì il davos plaz dal podest. Patrick Küng è vegnì 14avel, Mauro Caviezel 15avel.

«Jau hai sperà tgi giaja meglier», commentescha Carlo Janka sia prestaziun tar il trenament per la cursa rapida a Wengen. Suenter sia blessura mancia la fidanza da duvrar ses schanugl cumplettamain. La proxima emprova spetga la gievgia. Janka vegn er a sa participar al segund trenament. Sche Janka fa part a la cursa sonda, n’è dentant anc betg cler.

RR novitads 16:00