Siglir tar il cuntegn

Header

Navigaziun

Ils campiuns olimpics Fabian Cancellara e Nino Schurter
Legenda: Ils campiuns olimpics Fabian Cancellara e Nino Schurter. Reuters/Fresh Focus
cuntegn

Naziunal/Internaziunal Cancellara e Schurter unfrendas da hackers

Cun Nino Schurter e Fabian Cancellara èn per l'emprima giada dus atlets svizzers pertutgads, da l'attatga che hackers han fatg avant emnas sin servers da l'Agentura mundiala antidoping WADA.

La gruppa da hackers russa Fancy Bears ha fatg accessibla in'ulteriura retscha da rapports medicinals da top-atlets, engulads da servers da l'Agentura mundiala anti-doping WADA. Quels rapports cuntegnan lubientschas excepziunalas, che han lubì ad atlets da duvrar substanzas scumandadas ord raschuns medicinalas.

Nino Schurter e Fabian Cancellara n'han uschia betg cuntrafatg a las reglas da doping. Ils cas dals atlets svizzers èn 3 u dapli onns enavos. Schurter duai avair survegnì trais giadas ina tala lubientscha (2008, 2009 e 2010), Cancellara duas giadas (2011 e 2013).

Las davosas emnas ha la gruppa da hackers Fancy Bears publitgà 107 sportists che han survegnì lubientschas excepziunalas. Tranter auters èn quai stads ils stars da tennis Rafael Nadal e Serena Williams, il curridur Mo Farah e la gimnasta Simone Biles.

RR novitads 20:00