Siglir tar il cuntegn

Naziunal/Internaziunal Canada gudogna final da campiunadi mundial cun 5:3

Ils Canadais gudognan cleramain er lur ultim gieu dal campiunadi mundial cunter il Danemarc. Ils favurits per il titel han decis il final en lur favur cun 5:3.

Kevin Koe da Canada ha er durant il final mussà ina prestaziun fantastica.
Legenda: I ha tanschì per aur. Kevin Koe da Canada ha er durant il final mussà ina prestaziun fantastica. Keystone

Il Canada ha gudagnà ses 35avel titel al campiunadi mundial da curling dals umens.

Ils fegls d’ischi enturn il skip Kevin Koe èn sa profilads la dumengia a Basilea cun 5:3 cunter lur contrahent, il Danemarc.

Per bronz èn ids ils Stadis Unids. Ils Americans han battì ils Giapunais en il gieu per il terz plaz cun 8:6.

Ils Svizzers n’era betg da la partida al final en la citad sper il Rain. Lur schanzas eran scadidas avant trais dis cura ch’els avevan pers cunter la Norvegia.

RR novitads 18:00