Siglir tar il cuntegn

Header

Navigaziun

Giugaders da hockey dal Canada.
Legenda: Ils Canadais declasseschan la Svezia cun 6:0. Keystone
cuntegn

Naziunal/Internaziunal Canada declassescha Svezia

Quai senza discussiun cun 6:0. Medemamain sa qualifitgads per ils mezfinals èn ils Stadis Unids, la Russia e la Finlanda.

Ils quartfinals dal campiunadi mundial da hockey sin glatsch en la Russia èn decis: La Russia ha gudagnà cunter la Germania cun 4:1. Il Canada declassescha la Svezia schizunt cun 6:0.

Auston Matthews che sajetta il penalti.
Legenda: Auston Matthews cun la decisiun. Keystone

Matthews per ils Stadis Unids

Sajettà il gol decisiv per ils Stadis Unids cunter la Tschechia ha Auston Matthews che ha er gia giugà en Svizra per ils ZSC Lions. Ils Stadis Unids han gudagnà cun 2:1 suenter sajettar penalties.

Plinavant ha la Finlanda gudagnà cleramain il duel scandinav cunter il Danemarc cun 5:1

Duels americans ed europeics en ils mezfinals

En ils mezfinals fruntan uschia il Canada sin ils Stadis Unids e la Finlanda sin la Russia. Ils mezfinals èn sonda ils 21 da matg 2016. Il final e la partida per il terz plaz suondan lura la dumengia.

RR novitads 20:00