Siglir tar il cuntegn

Naziunal/Internaziunal Campiunadi mundial da ballape: Witali Mutko sa retira

Witali Mutko, il vice-primminister da la Russia, sa retira sco scheforganisatur dal Campiunadi mundial da ballape 2018 en Russia.

Witali Mutko, il vice-primminister da la Russia.
Legenda: Witali Mutko, il vice-primminister da la Russia. Keystone

Il vice-primminister russ, Witali Mutko, sa retira sco scheforganisatur dal Campiunadi mundial da ballape 2018 en Russia. Il directur general, Alexander Sorokin duai supigliar il timun al chau dal comité d'organisaziun. Quai haja Mutko communitgà sez, rapporta l'agentura statala R-Sport. Mutko vul sa concentrar sin sia lavur en la regenza.

Mutko stat en la critica pervia dal scandal da doping da la Russia. Il comité olimpic internaziunal (IOC) ha serrà Mutko per vita duranta per l'olimpiada. A Nadal ha Mutko gia dà giu la direcziun da la federaziun da ballape russa.

RR novitads 14:00