Siglir tar il cuntegn
cuntegn

Naziunal/Internaziunal Calanda Broncos betg da franar

Ils Calanda Broncos han er gudagnà il quart gieu da campiunadi d’american football. Ils Broncos han battì a chasa ils Renegades da Turitg cun 28:13.

Calanda Broncos
Legenda: Ils Calanda Broncos èn dapi plirs onns l'adressa numer 1 en il sport d'american football en Svizra. Keystone

Sco gia avant in’emna a Turitg ha l’equipa grischuna d’american football er laschà avant ils fans da chasa nagina schanza als Renegades. Durant che l’equipa dal trenader american Geoff Buffum ha pudì festivà la quarta victoria en seria èsi stà per ils Turitgais la 6avla terrada en seria.

En la tabella restan ils Calanda Broncos a la testa cun il maximum da puncts. Sin il segund plaz cun trais victorias ord quatter gieus suondan ils Berna Grizzlies ed ils Winterthur Warriors.

La finamira dals Calanda Broncos è da cuntanscher il Swissbowl e defender il titel da campiun svizzer. Dapi il 2009 han ils Broncos gudagnà 6 giadas il titel. Sulet il 2014 hai dà in stretga terrada en il final.