Siglir tar il cuntegn
Inhalt

Naziunal/Internaziunal Buna partenza per ils snoboardists grischuns Galmarini e Caviezel

Tar l’emprima cursa la cuppa mundiala da snowboard alpin a Carezza en las Dolomitas ha Galmarini cuntanschì la segunda plazza ed era Caviezel è siglì sin il podest.

Nevin Galmarini sin pista.
Legenda: Nevin Galmarini è glischnà sin la segunda plazza. Keystone

Per 37 tschientavels ha Nevin Galmarini surlaschà l'emprima plazza ad Andrej Sobolew da la Russia. Sin la terza plazza vegn medemamain in grischun Dario Caviezel. Per il snowboardist da Cuira è quai la premiera sin il podest da la cuppa mundiala da snowboard alpin.

Pli pac success per las dunnas svizras

Da las dunnas svizras ha sulet Julie Zogg cuntanschì ils quartfinals. Là ha ella pers encunter la campiunessa mundiala e victura Ester Ladecka da la Tschechia.

Gia venderdi han lieu las proximas cursas da la cuppa mundiala da snowboard alpin. Il slalom gigant parallel a Cortina d’Ampezzo spetga ils snowboardists.

RR novitads 15:00