Siglir tar il cuntegn

Header

cuntegn

Naziunal/Internaziunal Büchel per pauc sper il podest

La curridra svizra Selina Büchel ha ditg ch'ella saja fitg trumpada da betg esser arrivada sin il podest als campiunadis europeics da l'atletica leva ad Amsterdam. Suenter in bun mezfinal saja sia finamira stada da far aur. E ditg haja ella anc cartì da gudagnar la cursa.

Sur 800 meters manchenta Büchel bronz mo per in dieschavel secunda, e 100 meters avant l'arrivada era ella anc sin plazza dus. Campiunessa europeica daventa Natalia Pryschtschepa da l'Ucraina, avant la favurita la Franzosa Rénelle Lamote e la Svedaisa Lovisa Lindh.

Entant ha la Svizra Lea Sprunger cuntanschì la qualificaziun per il final dals 400 meters obstachels. Quai fa ella cun ina victoria suverana en il mezfinal.

Las curridras svizras Sarah Atcho ed Ellen Sprunger
Legenda: Sarah Atcho animescha Ellen Sprunger suenter ch’ella ha surdà la batgetta. Keystone

Spertas staffettas svizras

La staffetta da las dunnas svizras sur 4 giadas 100 meters ha fatg in nov record svizzer en la cursa da qualificaziun. Ajla Del Ponten Sarah Atcho, Ellen Sprunger e Salomé Kora èn stadas per set tschientavels pli spertas ch'avant dus onns. E cun quest temp han ellas era cuntanschì il final.

Medemamain sa qualifitgada per il final è la staffetta dals umens sur 4 giadas 100 meters, cun Pascal Mancini, Amaru Schenkel, Suganthan Somasundaram ed Alex Wilson.

RR novitads 21:00/22:00

Artitgels legids il pli savens