Siglir tar il cuntegn
Inhalt

Naziunal/Internaziunal Brunner trenescha da nov ils Austriacs

Bun in mais suenter che Sepp Brunner è vegnì relaschà da Swiss-Ski ha l’Austriac da 58 onns puspè in job. Brunner trenescha en l’avegnir ils spezialists austriacs da cursa rapida.

Sepp Brunner.
Legenda: Sepp Brunner trenescha en l’avegnir ils spezialists austriacs da cursa rapida. Keystone

Tenor la gasetta austriaca «Kronen Zeitung» saja l’engaschament da Sepp Brunner fix. Er il skiunz rutinà Hannes Reichelt ha confirmà indirect l’engaschament da Brunner. Ils responsabels da la Federaziun da skis austriaca vulan dentant pir s’exprimer a la conferenza da medias ad Innsbruck davart las novas structuraziuns tar la Federaziun da skis.

Sepp Brunner ha lavurà durant bunamain 20 onns per Swiss-Ski. Il davos grond success sco trenader dals Svizzers ha Brunner festivà als davos campiunadis mundials a San Murezzan. Là ha Beat Feuz gudagnà aur en la cursa rapida. Sco raschun per la relaschada da Brunner han ils responsabels da Swiss-Ski numnà ses depurtament illoial.

RR novitads 09:00