Siglir tar il cuntegn
Inhalt

Naziunal/Internaziunal Brignone gudogna a Soldeu - Lindsey Vonn cupitga

Lara Gut n'ha betg pudì profitar che Lindsey Vonn è cupitgada en il Super-G a Soldeu en l'Andorra.

Federica Brignone è stada la pli sperta a Soldeu en l'Andorra.
Legenda: Federica Brignone è stada la pli sperta a Soldeu en l'Andorra. Keystone

Suenter che Vonn è vegnida transportada davent è la cursa stada interrutta per bunamain 20 minutas. Lindsey Vonn è tar sia cupitgada para betg sa blessada uschè grev. Vonn ha annunzià sur il servetsch social Instagram ch’ella haja ina ruttadira da stress en il schanugl sanester. Glindesdi vegn Vonn intercurida cun in MRI. Alura duess esser cler quant fitg blessada che Vonn è propi.

Sin la pista ch'è vegnida pli plauna n'ha Lara Gut gì nagina schanza ed ha stuì sa cuntentar cun plazza 16. Da las Svizzras ha sulettamain Corinne Suter sco 25avla anc fatg puncts.

Gudagnà la cursa ha la Taliana Federica Brignone. Quai avant l'Americana Laurenne Ross. Sin plazza 3 è cun Tamara Tippler sa classada in'ulteriura Taliana.

Il podest

  • Federica Brignone (I) 57.33
  • Laurenne Ross (USA) +0,13
  • Tamara Tippler (I) +0,37

En il classament general maina Lindsey Vonn anc cun 8 puncts avantatg sin Lara Gut.

Stan actual en il classament general dal cup mundial

1. Lindsey Vonn (USA)
1215 puncts
2. Lara Gut (CH)
1207 puncts
3. Viktoria Rebensburg (D)
914 puncts

RR novitads 15:00